Гэта багата ілюстраваны нумар прысьвечаны Гародні і ахоплівае гісторыю гэтага каралеўскага гораду ад XVIII ст. да сучаснасьці. Яго зьмест падзелены на тэматычныя разьдзелы, прысьвечаныя Гародні розных пэрыядаў — пэрыяду Рэчы Паспалітай, Расійскай Імпэрыі, БНР, міжваеннай Польшчы, СССР і сучаснай Беларусі. Вялікую частку матэрыялаў, зьмешчаных у выпуску, напісалі гарадзенскія навукоўцы — Алесь Краўцэвіч, Андрэй Вашкевіч, Альбіна Семянчук, Андрэй Чарнякевіч, Ганна Паўлоўская, Юры Гардзееў. Апошні выступіў таксама ў ролі ўкладальніка нумару. У выпуску таксама друкуецца манаграфія Тамаша Блашчака “Міністэрства беларускіх справаў ураду Літоўскай Рэспублікі (1918—1924)”.